Azərbaycan, Bakı, 15 oktyabr /Trend, müxbir K.Zərbalıyeva/
Tovuzda sərnişin avtobusu ilə minik avtomobili toqquşub.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Tovuz rayonu, Düz Cırdaxan kəndində (rayon mərkəzindən 6 km aralı) vətəndaşa məxsus "Mercedes" markalı sərnişin avtobusu ilə 1969-cu il təvəllüdlü Bayramov İlkin Sabir oğluna məxsus "Nissan Sunny" markalı minik avtomobili toqquşub.
Nəticədə minik avtomobilinin sahibi Bayramov aldığı ağır bədən xəsarətlərindən hadisə yerində vəfat edib.
Cəsəd yanğınsöndürən-xilasedicilər tərəfindən müxtəlif alət və avadanlıqlardan istifadə edilməklə avtomobildən çıxarılaraq aidiyyəti üzrə təhvil verilib.
Hadisə ilə əlaqədar müvafiq qurumlar tərəfindən təhqiqat aparılır.