Azərbaycan, Bakı, 6 noyabr /Trend, müxbir K.Zərbalıyeva/
Bakıda maşın qaçıran keçmiş məhkum tutulub.
Bakı Şəhər Baş Polis İdarəsindən Trend-ə verilən məlumata görə, mayın 29-na keçən gecə Cavadxan küçəsində Telman Məmişova məxsus "VAZ-2107" markalı avtomobil qaçırılıb.
Aparılan axtarışlar nəticəsində qaçırılmış avtomobil oktyabrın 9-da Göyçay rayonu ərazisində saz vəziyyətdə tapılıb.
Nəsimi Rayon Polis İdarəsinin 19-cu polis bölməsinin əməkdaşlarının keçirdikləri əməliyyat tədbirləri nəticəsində avtomobili qaçıran Beyləqan rayon sakini, əvvəllər məhkum olunmuş Cavid Hüseynov noyabrın 3-də tutulub.