Azərbaycan, Bakı, 11 yanvar /Trend, müxbir İ.İzzət/
Bakıda 2 sərnişin avtobusu qəza törədib, 2 piyada ölüb.
Bakı şəhər Baş Polis İdarəsindən Trend-ə verilən məlumata görə, yanvarın 10-u saat səhər 7:00 radələrində Gəncə prospektində sürücü Tofiq Məmmədov idarə etdiyi "Mercedes" markalı mikroavtobusla Dürdanə Sultanovanı vurub. Piyada hadisə yerində ölüb.
Digər hadisə isə yanvarın 10-u axşam saat 21:00 radələrində Maştağa qəsəbəsi ərazisində baş verib. Sürücü Vüqar Cəbrayılov idarə etdiyi 107 saylı marşrut üzrə hərəkət edən "Daewoo" markalı avtobusla piyada Mikayıl Rzayevi vurub. Piyada hadisə yerindəcə keçinib.