Azərbaycan, Bakı, 15 iyul /Trend, müxbir İ.İzzət/
Ötən həftəsonu respublikanın yollarında baş vermiş yol qəzaları zamanı 8 nəfər ölüb.
Daxili İşlər Nazirliyinin mətbuat xidmətindən Trend-ə verilən məlumata görə, iyulun 13-14-də Azərbaycanda 10 yol-nəqliyyat hadisəsi qeydə alınıb. İki gün ərzində baş vermiş hadisələr zamanı 8 nəfər ölüb, 12 nəfər xəsarət alıb.
Qeyd edək ki, bu il yanvar ayının 1-dən iyul ayının 1-dək respublikada 1366 yol-nəqliyyat hadisəsi qeydə alınıb. Baş vermiş hadisələr nəticəsində 556 nəfər ölüb, 1452 nəfər xəsarət alıb.