Azərbaycan, Bakı, 17 fevral /Trend/
Gəncə şəhərində məişət tullantıları olan ərazidən silah-sursat tapılıb.
Trend Daxili İşlər Nazirliyinin saytına istinadən xəbər verir ki, Kəpəz RPİ əməkdaşları tərəfindən Gənçə şəhəri F.Əliyev küçəsindəki məişət tullantıları olan ərazidən 2 ədəd "F-1" qumbarası, 1 ədəd süngü-bıçaq, 1 patron darağı və 10 ədəd müxtəlif çaplı patron, Nizami (Gəncə) RPİ əməkdaşları tərəfindən Ə.Cəmil küçəsindəki məişət tullantıları olan ərazidən nömrəsi silinmiş "TOZ-8" markalı tüfəng, "F-1" qumbarası və 4400 ədəd avtomat patronu tapılıb.