Azərbaycan, Bakı, 17 mart /Trend, müxbir İ.İzzət/
Bakıda qəzet köşkündən oğurluq etməkdə şübhəli bilinən şəxs tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, martın 12-nə keçən gecə, Bakı şəhər sakini Ayxan Musayevə məxsus Nigar Rəfibəyli küçəsində yerləşən qəzet köşkündən, jalüzü sındırmaq yolu ilə 1500 manat oğurlanıb.
Səbail Rayon Polis İdarəsi 9-cu Polis Bölməsi əməkdaşlarının keçirdiyi əməliyyat tədbirləri nəticəsində, oğurluqda şübhəli bilinən Bakı şəhər sakini, əvvəllər məhkum olunmuş Nurlan Dadaşov tutulub.