Yeni məlumat əlavə olunub (ilk xəbər saat 14:50-də yayılıb)
Azərbaycan, Bakı, 12 iyul /Trend, müxbir Rufiz Hafizoğlu/
İstanbulun tramvay dayanacaqlarından birinin yanında yerləşən binanın girişində partlayış olub. Trend-in məlumatına görə, bu barədə şənbə günü " Haber7" telekanalı xəbər yayıb.
İlkin məlumatlara görə, partlayış nəticəsində 8 nəfər yaralanıb. Onlardan birinin vəziyyəti ağırdır.
Binada olan sakinlər təxliyə ediliblər.
Hadisəyə qaz sızmasının səbəb olduğu bildirilir.