Azərbaycan, Bakı, 4 fevral /Trend, müxbir İlkin İzzət/
Bakıda bazarda banan oğurlamış şəxs tutulub.
Bakı şəhər Baş Polis İdarəsinin (BŞBPİ) mətbuat xidmətindən Trend-ə verilən məlumata görə, fevralın 3-də günorta saatlarında Lökbatan qəsəbəsində yerləşən topdansatış bazarında Lənkəran rayon sakini Laiq Hüseynova məxsus 19 kiloqram banan oğurlanıb. Qaradağ rayon Polis İdarəsi Cinayət-Axtarış Şöbəsi və 10-cu Polis Bölməsi əməkdaşlarının keçirdiyi əməliyyat-axtarış tədbirləri nəticəsində oğurluğu törətməkdə şübhəli bilinən Samux rayon sakini 1976-cı il təvəllüdlü Mirhəşim Seyidov saxlanılıb.
Faktla bağlı araşdırma aparılır.