Bakı. Trend:
Binəqədi rayonunda 600 m² sahədə mazut qarışıq məişət tullantıları yanıb.
Trend Fövqəladə Hallar Nazirliyinin saytılna istinadən xəbər verir ki, bu gün Binəqədi rayonunda vətəndaşa məxsus ümumi sahəsi 20 m² olan yardımçı tikilinin yanar konstruksiyaları və tikilinin yaxınlığında 600 m² sahədə mazut qarışıq məişət tullantıları yanıb.
Yüksək temperaturdan yaxınlıqdakı sahibi məlum olmayan iki mərtəbəli evin plastik pəncərə çərçivələri əriyib.
Yanğından yaxınlıqdakı tikililər və qonşu evlər mühafizə olunub. Yanğın saat 09:37-də yanğınsöndürənlər tərəfindən söndürülüb.