...

Dələduzluq edərək polisdən gizlənən şəxs tutulub

Hadisə Materials 23 May 2018 13:41
Qax sakini dələduzluq üstündə tutuldu
Dələduzluq edərək polisdən gizlənən şəxs tutulub

Trend-i buradan izləyin

Bakı. Trend:

Bu ilin yanvarın 6-da Murad Eyvazov Sumqayıt Şəhər Polis İdarəsinə ərizə ilə müraciət edərək Elbrus adlı şəxsin ondan ərzaq məhsulları sifariş edib Qax rayonuna göndərilməsini istəyərək, həmin məhsulların pulunu verəcəyinə inandırıb, etibarından sui-istifadə edərək ona 2500 manat dəyərində maddi ziyan vurduğunu bildirib.

DİN Mətbuat Xidmətinin Şəki regional qrupundan Trend-ə verilən məlumata görə məsələ aidiyyatı üzrə Qax Rayon Polis Şöbəsinə göndərilib, həmin şəxsin əvvəllər də məhkum olunmuş və cinayət məcəlləsinin müvafiq maddələri ilə barəsində axtarış elan olunmuş Bakı şəhər sakini Babək Həsənov olduğu müəyyən edilib.

Qax və Göygöl RPŞ əməkdaşlarının birgə keçirdikləri əməliyyat – axtarış tədbirləri nəticəsində dələduzluğu törətmış şəxs Göygöl rayonunun Mixaylovka kəndində saxlanılaraq istintaqa təhvil verilib.

Onun digər cinayət faktlarının törədilməsində iştirakının olub-olmaması istiqamətində tədbirlər davam etdirilir.

Məqalədə:
Xəbər lenti

Xəbər lenti