Bakı. Samir Əli - Trend:
Bakıda ölümlə nəticələnən yol qəzası baş verib.
Trend-in məlumatına görə, Yasamal rayonu, E.Dadaşov küçəsində şəhər sakini, 1972-ci il təvəllüdlü E.Mirağayev idarə etdiyi “Opel” markalı avtomobillə yolu keçmək istəyən 1961-ci il təvəllüdlü Mirvari Məmmədlini vurub. Piyada aldığı xəsarətlərdən hadisə yerində ölüb.
Faktla bağlı Yasamal rayon Polis İdarəsində Cinayət Məcəlləsinin 263.2-ci(yol istismar qaydalarını pozma, zərərçəkənin ölümünə səbəb olma) maddəsi ilə cinayət işi başlanıb.