Bakı. Trend:
Bakıda tanışını qətlə yetirməkdə təqsirləndirilən Rəşid Babayevin cinayət işi üzrə məhkəmə prosesi yekunlaşıb.
Trend xəbər verir ki, Bakı Ağır Cinayətlər Məhkəməsində keçirilən prosesdə hökm oxunub.
Hökmə əsasən, Rəşid Babayev 9 il müddətə azadlıqdan məhrum etmə cəzasına məhkum edilib.
Qeyd edək ki, hadisə keçən il 3 mayda Maştağa qəsəbəsində baş verib. Rəşid Babayev Roman Əsgərova kəsici-deşici alətlə xəsarətlər yetirib. Yaralı xəstəxanada ölüb.
Bildirək ki, təqsirləndirilən şəxs Cinayət Məcəlləsinin 120.1-ci (qəsdən adam öldürmə) maddəsi ilə ittiham edilib.