Bakı. Trend:
Rumıniyanın Hollandiyadan 18 ədəd F-16 təyyarəsinin alınması ilə bağlı hökumətlərarası müqavilə Buxarestdə imzalanıb.
Trend xəbər verir ki, bu barədə Rumıniya Müdafiə Nazirliyi məlumat yayıb.
Məlumata görə, Feteştidəki F-16 qırıcı pilotlarının təlim mərkəzində yerləşən təyyarələrdən biri simvolik olaraq 1 avro qiymətinə Rumıniya dövlətinə təhvil veriləcək. Lakin bu, təyyarənin göstərilən dəyəri və 100 milyon avroluq logistika dəstəyi paketi əsasında hesablanan 21 milyon avro dəyərində ƏDV ödənişinə tabe olacaq.
Təyyarələr yalnız təlim məqsədilə istifadə ediləcək və Rumıniya NATO və tərəfdaş ölkələrdən olan pilotlar üçün müəyyən sayda təlim yeri təmin etməlidir.
Nazirliyin məlumatında bildirilib ki, bu müqavilənin imzalanması Müdafiə Nazirliyinin mərkəzi uzunmüddətli perspektivdə saxlamaq niyyətini əks etdirir. Bu addım həm Rumıniyada, həm də müttəfiq və tərəfdaş ölkələrdə pilotlara artan tələbatı və beynəlxalq səviyyədə məhdud təlim imkanlarını nəzərə alaraq atılıb.