Mingəçevir. Aslan Məmmədli - Trend:
Mingəçevirdə 45 yaşlı kişi dəm qazından boğularaq ölüb.
Trend-in yerli bürosunun məlumatına görə, hadisə gecə saatlarında Mingəçevir şəhəri Şəhriyar küçəsi 4 ünvanında baş verib.
Həmin ünvanda olan 1976-cı il təvəllüdlü Şəki rayon Dəhnə kənd sakini Abir Məmmədov hamamda dəm qazından zəhərlənib. FHN-nin Dövlət Yanğından Mühafizə Xidmətinin müvafiq xilasetmə qüvvələri mənzilin giriş qapısını açıb və onun meyitini orada aşkarlayaraq aidiyyəti üzrə təhvil veriblər.
Faktla bağlı araşdırma aparılır.