Bakı. Trend:
Samuxda narkotik yetişdirən şəxs saxlanılıb.
Daxili İşlər Nazirliyinin Mətbuat xidmətindən Trend-ə verilən məlumata görə, Samux Rayon Polis Şöbəsinin (RPŞ) əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində rayon sakini Zeynal Zeynalovun rayon ərazisindəki meşəlikdə xüsusi aqrotexniki qaydada qulluq etməklə yetişdirdiyi narkotik xassəli çətənə - Kannabis bitkiləri aşkarlanaraq götürülüb. Dindirilmə zamanı saxlanılan şəxs həmin bitkiləri dibçəkdə əkdikdən müəyyən müddət sonra sözügedən əraziyə köçürdüyünü etiraf edib.
Götürülmüş maddi sübutlar müvafiq ekspertizaya təqdim olunub. Faktla bağlı RPŞ-də cinayət işi başlanılıb, araşdırmalar davam etdirilir.