Bakı. Trend:
Beyləqanda yol nəqliyyat hadisəsi baş verib.
Trend-in yerli müxbirinin xəbərinə görə, hadisə rayonun Dünyamalılar kəndi ərazisində qeydə alınıb.
Belə ki, 1962-ci il təvəllüdlü İsgəndərova Mehriban Yasəf qızının idarə etdiyi "Xəzər" markalı minik avtomobili idarəetməni itirərək yol kənarındakı kanal düşüb.
Hadisə nəticəsində sürücü və onun sərnişini, 1948-ci il təvəllüdlü Həşimova Zəhra Murtuza qızı müxtəlif dərəcəli bədən xəsarətləri alıblar. Hər iki yaralı Beyləqan rayon mərkəzi xəstəxanasına yerləşdirilib.
Faktla bağlı Beyləqan rayon polis şöbəsində araşdırma aparılır.