Moskvanın Çerkizov bazarında baş vermiş partlayış nəticəsində ən azı 8 nəfər həlak olub, 41 nəfər yaralanıb. Bu barədə Trend in müxbirinə hadisə yerində Moskva şəhərinin baş prokuroru Yuri Semin məlumat verib. O bildirib ki, bu, hələ son rəqəm deyil və həlak olanlardan ikisi milliyyətcə qaraçı uşaqlarıdır. Hadisə yerində işləyən FHN nümayəndələrinin sözlərinə görə, partlayış Moskva vaxtı ilə bu gün səhər saat təqribən 10:30-da Vyetnamın "Novıy AST" kafesində baş verib. Partlayış yerindən iki paket tapılıb. Təxminlərə görə, paketlər partlayış məqsədilə qoyulub ki, bu da terror aktı versiyasını istisna etmir.
RF FHN-nin məlumatına görə, hadisə yerində təxminən 80 təcili yardım maşını işləyir. Qurbanların sayı isə xeyli arta bilər.