Azərbaycan, Bakı, 3 iyul / Trend , A.Axundov/
Ermənistan Silahlı Qüvvələrinin bölmələri iyulun 2-də saat 13.10-dan 13:30-dək Goranboy rayonunun Tapqaraqoyunlu kəndi yaxınlığında yerləşən mövqelərdən, saat 22.50-dən 22.55-dək Ağdam rayonunun Şıxlar kəndi yaxınlığında yerləşən mövqelərdən, iyulun 3-də saat 01.10-dan 01.20-dək Tərtər rayonunun Çaylı kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat, pulemyotlardan atəşə tutublar. Bu barədə Azərbaycan Respublikası Müdafiə Nazirliyinin mətbuat xidmətindən məlumat verilib.
Bütün hallarda düşmən cavab atəşilə susdurulub.
İtki yoxdur.