Azərbaycan, Bərdə, 22 noyabr / Trend , müxb. Ş.Cəliloğlu/
Bu gün saat 19:00 radələrində Ermənistan Silahlı Qüvvələrinin cəbhə xəttində atəşkəsin pozması nəticəsində bir mülki vətəndaş həyatını itirib.
Trend -un bölgə müxbirinin verdiyi məlumata görə, Ermənistan ordusu Tərtər rayonunun işğal altında olan Talış kəndindən Azərbaycan Silahlı Qüvvələrinin üzbəüz mövqeləri, o cümlədən Goranboy rayonunun Tapqaraqoyunlu kəndini 1 saata yaxın atəşə tutub.
Nəticədə snayper silahlardan atılan mərmi kəndin sakini Qəhrəmanov Sədayın boğaz nahiyəsinə dəyib. Yaralı rayon mərkəzi xəstəxanasına aparılıb, lakin yolda həyatını itirib.
Azərbaycan Müdafiə nazirliyi məsələ ilə bağlı heç bir məlumat yaymayıb.
Düşmən Azərbaycan Silahlı Qüvvələrinin atəşi ilə susdurulub. Hazırda cəbhə xəttində arabir olaraq atışmalar olur.
Ermənistan silahlı qüvvələrinin atəşkəsin pozması nəticəsində Azərbaycan mülki şəxsi ölüb
Bu gün saat 19:00 radələrində Ermənistan Silahlı Qüvvələrinin cəbhə xəttində atəşkəsin pozması nəticəsində bir mülki vətəndaş həyatını itirib.
