Azərbaycan, Bakı, 18 fevral / Trend , müxbir K.Zərbalıyeva/
Cümə axşamı qoşunların təmas xəttində atəşkəs rejiminin pozulması nəticəsində Azərbaycan Ordusunun 3 hərbi qulluqçusu həlak olub, 1əsgər isə yaralanıb. Bu barədə hərbi mənbə Trend -a məlumat verib.
Mənbənin məlumatına görə, Azərbaycan hərbi qulluqçularına erməni snayperlərindən atəş açılıb. Ölənlərin və yaralanların şəxsiyyəti dəqiqləşdirilir.
Azərbaycanın Müdafiə Nazirliyindən məlumat təsdiqlənib.
Müdafiə Nazirliyinin mətbuat xidmətinin əməkdaşı Teymur Abdullayevin sözlərinə görə, atışma nəticəsində erməni tərəfi daha çox itki verib.