Azərbaycan, Bakı, 27 sentyabr /Trend, müxbir K.Zərbalıyeva/
Azərbaycan Müdafiə Nazirliyi atəşkəsin pozulması nəticəsində Milli Ordunun bir əsgərinin şəhid olması faktını təsdiqləyib.
Müdafiə Nazirliyi mətbuat xidmətindən bazar ertəsi Trend-ə verilən məlumata görə, Ermənistan silahlı qüvvələri Ağdamın işğal altındakı Mərzili kəndi ərazilərindəki mövqelərindən Azərbaycan Ordusunun üzbəüz mövqelərini atəşə tutması nəticəsində əsgər Abbasov Taleh Tofiq oğlu başından güllə yarası alaraq şəhid olub.
1989-cu il təvəllüdlü Abbasov ötən il Zəngilan Rayon Hərbi Komissarlığından hərbi xidmətə çağırılıb.