Azərbaycan, Bakı, 20 fevral / Trend, müxbir E.Tariverdiyeva/
Fevralın 17-də Moskvada RF xarici işlər nazirinin müavini, stats-katib Qriqori Karasin Cənubi Qafqazdakı vəziyyəti ABŞ dövlət katibinin Avropa və Avrasiya məsələləri üzrə müavini Filipp Qordonla müzakirə edib. Trend-in məlumatına görə, bu barədə nazirliyin saytı xəbər verib.
Tərəflər beynəlxalq gündəlikdəki aktual məsələlərlə bağlı, eləcə də iki ölkənin Ukrayna, Belarus və Moldova ilə münasibətlərinə dair fikir mübadiləsi aparıblar.
Görüşdə ABŞ-ın Rusiyadakı fövqəladə və səlahiyyətli səfiri Maykl Makfol iştirak edib.