Azərbaycan, Bakı, 18 may /Trend/
Ermənistan silahlı qüvvələri bir neçə istiqamətdə atəşkəs rejimini pozub.
Müdafiə Nazirliyinin mətbuat xidmətindən Trend-ə daxil olan məlumata görə, Ermənistan silahlı qüvvələrinin bölmələri mayın 17-də saat 08.35-dən 08.47-dək, mayın 18-də 01.00-dan 01.05-dək və 01.25-dən 01.30-dək Goranboy rayonunun Tapqaraqoyunlu kəndi yaxınlığında yerləşən mövqelərdən, saat 00.50-dən 01.05-dək Tərtər rayonunun Çaylı kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub.