Azərbaycan, Bakı, 20 iyul / Trend, müxbir E.Tarıverdiyeva /
ATƏT-in Minsk qrupu həmsədrləri qeyd edirlər ki, ATƏT MQ həmsədri olan üç ölkənin heç biri, həmçinin dünyanın heç bir ölkəsi Dağlıq Qarabağı müstəqil və suveren dövlət kimi tanımır. Trend-in məlumatına görə, bu barədə ATƏT MQ-nin sədrləri, ABŞ-dan Robert Bratdke, Rusiyadan İqor Popov və Fransadan Jak Forun bəyanatında deyilir.
Həmsədrlərin bəyanatında qeyd olunub ki, iyulun 19-dakı prosedur heç bir şəkildə Dağlıq Qarabağın yekun hüquqi statusunu və Dağlıq Qarabağ münaqişəsinin nizamlanması üzrə hazırki danışıqların nəticələrini həll etmir.
İyulun 19-da müstəqilliyi dünyanın heç bir ölkəsi tərəfindən tanınmayan separatçı Dağlıq Qarabağda "prezident seçkiləri" keçirilib.