ATƏT Minsk qrupunun Dağlaq Qarabağ münaqişəsinin nizamlanması üzrə həmsədrləri Yuri Merzlyakov (RF), Metyu Brayza (ABŞ) və Bernar Fasye (Fransa) yanvarın 24-də Ermənistana səfər edəcəklər.
ABŞ-ın Ermənistandakı səfirliyindən Armenpressə verilən məlumata görə, həmsədrlərin Dağlıq Qarabağa səfəri hava şəraitindən asılıdır.
Yanvarın 23-də həmsədrlər Ermənistan və Azərbaycanın xarici işlər nazirləri Vardan Oskanyan və Elmar Məmmədyarovun RF XİN-də keçiriləcək görüşündə iştirak edəcəklər. Görüşdən sonra onlar Dağlıq Qarabağ münaqişəsinin nizamlanması üzrə danışıqlar prosesinin məsələlərini dövlət başçıları ilə müzakirə etmək üçün bölgəyə səfər edəcəklər. Bu barədə Trend xəbər verir.