Azərbaycan, Bakı / Trend , müxbir S.İlhamqızı/ Azərbaycan Prezidenti İlham Əliyev cümə axşamı Prezident sarayında Avropa Jurnalistika Mərkəzinin təşkil etdiyi Avropa Qonşuluq siyasəti seminarında iştirak edən Avropa İttifaqı ölkələrinin jurnalistlərini qəbul edib. Görüş zamanı dövlət başçısı Azərbaycan-Avropa İttifaqı əməkdaşlığı, Azərbaycanın təşəbbüsü və iştirakı ilə həyata keçirilən qlobal enerji layihələri, Dağlıq Qarabağ münaqişəsi, Azərbaycanın beynəlxalq aləmdə mövqeyi, regional əməkdaşlıq və digər məsələlərlə bağlı suallara ətraflı cavab verib.