Azərbaycan, Bakı/ Trend / Azərbaycan Prezidenti İlham Əliyev bazar ertəsi Müdafiə Sənayesi Nazirliyinin Əli Bayramlıdakı Telemexanika zavodu ilə tanış olub. Prezidentə məlumat verilib ki, tamamilə yenidən qurulmuş zavod ən müasir texnoloji avadanlıqla təmin edilib. Dövlətimizin başçısı muzeyin xatirə kitabına ürək sözlərini yazıb.Prezident qeyd edib ki, müasir müdafiə sənayemizin bazası 1970-80-ci illərdə ulu öndər Heydər Əliyevin rəhbərliyi ilə yaradılıb. O illərdə tikilən hərbi zavodlar indi təmir olunur, yenidən qurulur və işğal altında olan torpaqlarımızı erməni qəsbkarlarından azad etmək üçün lazımi şərait yaradılır.
...