Azərbaycan, Bakı, 04 fevral / Trend , müxbir S.İlhamqızı/Azərbaycanda səfərdə olan Avropa Şurasının Azərğaycan üzrə həmməruzəçiləri Andres Herkel və Yevqeniya Jidkova bazar ertəsi müxalifət liderləri ilə görüş keçiriblər.
Görüşdə Müsavat Partiyasının başqanı İsa Qəmbər, Azadlıq blokunun həmsədrləri Əli Kərimli və Lalə Şövkət, ADP sədri Sərdar Cəlaloğlu və Azərbaycan naminə Forumun rəhbəri Eldar Namazov iştirak ediblər.
Eldar Namazov Trend ə bildirib ki, görüşdə Azərbaycandakı ictimai-siyasi durum, seçkiqabağı vəziyyət, sərbəst toplaşmaq azadlığı, insan haqları, siyasi məhbus, jurnalistlərin həbsi məsələləri barədə müzakirələr aparılıb. Müxalifət liderləri bu məsələlərə dair fikirlərini qonaqlara çatdırıblar: "İnsan haqları, demokratiya, söz azadlığı sahəsindəki problemlər barədə müxalifət təmsilçilərinin mövqeyi üst-ütsə düşdü. Yalnız prezident seçkisində iştirak və ya boykot etmək məsələsində mövqelərimiz fərqləndi" -deyə Namazov bildirib.
O əlavə edib ki, müxalifət liderləri Avropa Şurasının Azərbaycanda siyasi məhbuslar üzrə xüsusi məruzəçi təyin etməsinin vacibliyini qonağın diqqətinə çatdırıblar.