...

BMT yeni sanksiyalar qəbul etdiyi halda İran "Nüvə bayramı"na hazırlaşır

Siyasət Materials 4 Mart 2008 17:13 (UTC +04:00)

Azərbaycan, Bakı, 04 mart / Trend , müxbir D.Xatınoğlu/ İran əleyhinə BMT Təhlükəsizlik Şurasının 3-cü Qətnaməsinin tətbiq olunmasına baxmayaraq, rəsmi Tehranın "Nüvə bayramı"-na hazırlaşması, xalqın əhval -ruhiyyəsini gücləndirmək məqsədi daşıyır. "İranda Nüvə bayramının qeyd olunması ölkə daxilində xalqın əhval-rühiyyəsinin bərpası üçün həyata keçiriləcək"-deyə, İran Parlamentinin sabiq deputatı Əhməd Şirzad Trend a bildirib.

BMT Təhlükəsizlik Şurası martın 3-də İrana qarşı üçüncü Qətnamə qəbul edib. BMT T Ş-nin 14 qeyri-daimi üzvü yeni Qətnamənin tətbiqinin lehinə səs verib və İndoneziya isə, bitərəf mövqe tutub.

İranın İRNA Agentliyin keçən həftə yaydığı məlumata əsasən, hakimiyyət və ölkə əhalisi yaxın gələcəkdə "Nüvə bayramı" qeyd etməyə hazırlaşır.

Nüvə məsələsi üzrə ekspert Əhməd Şirzad çərşənbə axşamı telefonla Tehrandan Trend a bildirib ki, rəsmi Tehan MAQATE-nin bu ölkə haqqında hazırladığı məruzənin yalnız müsbət məqamlarını xalqa təbliğ etdi və beləliklə, daxili narazılıqların artmasının qarşısını aldı. "İranın nüvə məsələsi hələ həll olunmayıb, bir az da qəlizləşib. Ancaq hakimiyyət xalqın əhval - ruhiyyəsini gücləndirmək üçün bu tədbirləri həyata keçirib"-deyə, Şirzad bildirib.

Digər İranlı politoloq Əlirza Nurizadə (Ali Reza Nourizadeh) isə, bu gün Londondan telefonla Trend a bildirib ki, İranın həyata keçirmək istədiyi "Nüvə bayramı" yeni deyil. "İndiyədək onlarla belə tədbir həyata keçirilib. İran hakimiyyəti uğursuz xarici və daxili siyasətini gizlətmək üçün həmişə belə populist tədbirlər keçirir və xalqdan həqiqəti gizlədir. Bu siyasəti vaxtilə İraqın sabiq prezidenti Səddam Hüseyn, Liviyanın prezidenti Müəmmər Qəzzafi və digərləri də beynəlxalq ictimaiyyətdən təcrid olduqlarını gizlətmək üçün həyata keçiriblər"-deyə, Nurizadə bildirib.

İranlı politoloqun fikrincə, ölkə əhalisi hər şeyi yaxşı bilir və xalqı aldatmaq problemin həll olunacağı demək deyil.

BMT TŞ İrandan uranın zənginləşdirilməsini dayandırmağı tələb edib. 2003-cü ildən etibarən, rəsmi Tehran uranın zənginləşdirilməsi planını dayandırsa da, 2006-cı ildən bu planı yenidən başlayıb. BMT TŞ buna görə İran əleyhinə 3 Qətnamə qəbul edib. 3-cü Qətnamədə İranın nüvə planı ilə məşğul olan 18 nəfərin xaricə səfərinə və 13 şirkətlə iqtisadi əlaqəsinə qadağa qoyulub. Xarici şirkətləri İranın "Melli" və "Saderat" bankları ilə iqtisadi əlaqədə daha diqqətli olmağı, ölkəyə idxal olunan mallara kredit verməkdə, sığortalamaqda ehtiyatlı olmağa çağırıb. İrana idxal olunan yüklərin nəzarətdən keçirilməsini xüsusi vurğulayıb.

Xəbər lenti

Xəbər lenti