Azərbaycan, Lənkəran, 06 mart / Trend ", müxbir P.Əliyeva/ Yardımlı rayon polis şöbəsinə daxil olan anonim məlumata əsasən, rayonun Başkənd kəndi ərazisində yerləşən Avaraq adlanan meşə zolağına baxış keçirilərkən, dövlət sərhəd dəstəsindən təxmiynən 250 metr aralıda gizlədilmiş 2 ədəd Kalaşnikov markalı avtomat və onlara məxsus süngü bıçağı, bir ədəd Volper tipli tapanca, 4 ədəd POV-8 markalı yivli ov silahı, 4 ədəd RQD-5 əl qumbarası, 2 ədəd F-1 əl qumbarası və onlara aid fitillər, 8 ədəd müxtəlif kalibrli ov tüfəngi, 2 ədəd avtomat darağı və xeyli sayda patron aşkar edilərək götürülüb. Faktla bağlı Yardımlı rayon polis şöbəsinin təhqiqat qrupu tərəfindən araşdırmalar aparılır. Şöbənin rəisi Şamil Seyidli bildirib ki, son aylarda əhali ilə əlaqələrin yaxşılaşdırılması, onlarla aparılan söhbətlər nəticəsində silahlar könüllü təhvil alınır. Seyidli onu da qeyd edib ki, faktla bağlı götürülən silah - sursat daxili işlər nazirliyinin ekspertiza şöbəsinə göndəriləcək və silahların hər hansı bir cinayət faktında istifadə olunub- olunmaması araşdırılacaq.
...