Azərbaycan, Bakı, 19 may / " müxbir E.Tanrıverdiyeva, R.Abdullayev, R.Hafizoğlu/ Ekspertlər hesab edirlər ki, korrupsiyada ittiham olunan İsrailin Baş naziri Ehud Olmertin istefası İsrail-Fələstin sülh danışıqlarına təsir göstərməyəcək. "Cənab Olmertin istefaya gedib- getməyəcəyindən asılı olmayaraq, Fələstin və İsrailin sülh danışıqldarı problemlidir", - deyə amerikalı politoloq Ronni Lipşutts (Ronnie Lipschutz) güman edir.
İsrail polisi İsrailin Fələstinlə apardığı danıqışlara rəhbərlik edən Baş nazir Ehud Olmertə qarşı korrpusiyaya dair növbəti cinayət işini qaldırıb. Baş nazir sübut etməyə çalışır ki, onun istefaya getməsi Yaxın Şərq sülh danışıqlarının pozulmasına gətirib çıxaracaq. Lakin bu səylər nəticəsiz qalmaqdadır. İsrail müxalifəti ABŞ-ın dəstəyinə zidd olaraq, Parlamentdən Olmertin müvəqqəti iş qabiliyyətsizliyinin elan edilməsini tələb edir.
Növbədənkənar seçkilər keçiriləcəyi təqdirdə, Olmertin namizədliyindən başqa, Baş nazir postuna daha iki nəfərin namizədliyinə baxıla bilər: Benjamin Netanyahu (Hakim "Likud" partiyası) və Ehud Barak (Solçu Əmək partiyası). "Hər iki namizəd Fələstinə qarşı münasibətdə olduqca sərt siyasətə malikdir və prezident Abbas yaxud Qəzzədə "Həmas" la razılaşmada bir o qədər də maraqlı deyillər", - deyə çərşənbə günü Trend a elektron poçt ilə Santa-Kruz Universitetinin (ABŞ) politologiya üzrə professoru Lipşutts bildirib.
O hesab edir ki, İsrailin müstəqilliyinin 60 illiyinin bayram edilməsi çərçivəsində, Corc Buşun bu ölkəyə gəlməsi və hazırkı Baş naziri dəstəkləməsi çətin ki, ABŞ-ın nüfuzunun artmasına yardım etsin.
"Hökumətin dağılması və yeni seçkilərin keçirilməsi təhlükəsi- obyektiv reallıqdır. Olmertə qarşı cinayət işi qaldırılıb", - deyə Trend a israilli politoloq Mordexay Kedar bildirib.
Strateji Araşdırmalar Mərkəzinin (İsrailin Bar-İlan Universiteti nəzdində) eksperti Begin Sadat Kedar hesab edir ki, hazırda Olmertin gələcək hökuməti olduqca dumanlıdır. "Hakimlər bayram axşamlarında və Buşun səfəri öncəsi Olmertə qarşı qaldırılan cinayət işi ilə lazımsız ajiotajın yaranmasından qaçmaq qərarına gəliblər", - deyə o bildirib.
Kedarın sözlərinə görə, İsrail elitasının nümayəndələrinə qarşı bu tip araşdırmalar - nadir hadisə deyil və ölkədə bir çoxları belə bir tendensiyanı qeydə alır -sülh nizamlanması istiqamətində hansı siyasətçi bu və ya digər kəskin addımlar atmağa yaxın olursa, onun ətrafında gərgin məhkəmə araşdırmaları meydana çıxır. "Bir çoxları, xüsusilə də Olmert hakimiyyətdə qalmağa nail olur, lakin bu artıq fələstinlilərə qarşı deyil, koalisiya tərəfdaşlarına münasibətdə güzəşt tələb edir", - deyə Kedar yekunlaşdırıb.
Fələstinin "Həmas" hərəkatının rəsmi nümayəndəsi Muşir Əl-Məsrin rəyinə görə, Olmertin istefası və ya onun postunda qalması sülh proseslərinə heç bir təsir etməyəcək.
"İsraillilər və fələstinlilər arasında tam mənası ilə sülh danışıqları olmayıb. İsrail-Fələstin sülh danışıqları həmişə protokol mahiyyəti daşıyıb və İsralin cəhdləri sülhün əldə orlunması üçün kifayət etmir", - deyə şənbə günü Qəzzədən telefonla Trend a "Həmas" İslami Müqavimət Hərəkatının sözçüsü Muşir Əl-Məsri btldtrtb.
Sözçü hesab edir ki, İsrail "sülh danışıqları" barədə danışarkən, hamıya sülhə hazır olduğunu sübut etməyə çalışır. Lakin Əl-Məsrinin rəyinə görə, İsrail hakimiyyətinin bir məqsədi var - Fələstini "yer üzündən silmək". "İsrail dövltini kimin idarə edəcəyindən asılı olmayaraq, Fələstin torpaqlarının işğalının davam etdiriləcəyi təqdirdə, müqavimət də davam edəcək", - deyə o əlavə edib.
Avropa mənşəli Amerika eksperti Aaron Mannes (Aaron Mannes) hesab edir ki, Olmertin istefası danışıqlar prosesində hansısa real dəyişikliklərə gətirib çıxarmayacaq. "Əvvəlki sülh danışıqları həmişə Fələstin tərəfindən dayandırılıb. Xüsusilə, "Həmas"ın İsrailin mövcudluğunu tanımaqdan imtina etməsi və iri Fələstin qruplaşmaları tərəfindən güc tətbiq edilməsinin davam etdirilməsini misal gətirmək olar. Əgər fələstinlilər İsraillə sülh şəraitində yaşamaqla həqiqətən razılaşa bilsələr, o zaman İsrail Baş nazirinin kim olmasının əhəmiyyəti olmayacaq", - deyə Trend a şənbə günü elektron poçt ilə Merilenddən Yaxın Şərq üzrə müstəqil ekspert Mannes bildirib.
Material hazırlanan zaman Fələstinin hakim "Fəth" hərəkatının mətbuat xidmətindən hər hansı bir şərh almaq mümkün olmayıb.
Müxalifət partiyalarından olan İsrail deputatları artıq qanun layihəsi hazırlayıblar. Qanun layihəsinə əsasən, Knesset, hökumət başçısı Olmertin vəzifəsini yerinə yetirməsilə bağlı müvəqqəti qabiliyyətsizliyi barədə elan vermək hüququ əldə edəcək. İsrail müşahidəçiləri, həmçinin, Olmertin rəhbərlik etdiyi hökumət nazirlərinin heç də hamısının öz liderlərini dəstəkləmədiyiniə diqqət yetiriblər.
Müəlliflə əlaqə saxlamaq üçün elektron ünvan : [email protected]
