Azərbaycan, Bakı, 23 may / Trend , müxbir E.Babayev/ Azərbaycan Xalq Hərəkatının fəallarından olan, uzun müddət müxalif Xalq Cəbhəsi Partiyasının rəhbər strukturlarında çalışan Əli Mustafayev siyasi fəaliyyətini dayandırıb. "Bundan sonra elmi-pedaqoji fəaliyyətlə məşğul olacağam", cümə günü Trend -a Mustafayev bildirib.
Trend -un arayışı: Mustafayev 2000-ci ildə AXÇP parçalanandan sonra təşkilatın "klassiklər" qanadında sədr müavini olub. 2003-cü ildən sonra isə partiyadaşı Əli Məsimli ilə birgə Azad Demokratlar Birliyi Partiyasının yaradılmasında iştirak edib. Bir müddət öncə isə o, bu təşkilatdan da istefa verib.
Mustafayev siyasətdən getməsi ilə bağlı əlavə şərh vermək istməyib. O, siyasi fəaliyyətdə müəyyən prinsiplər çərçivəsində fəaliyyət göstərdiyini deyərək, həmişə həmin prinsiplərə sadiq qalacağını bildirib.
Məqalə müəllifi ilə əlaqə ünvanı: [email protected]
