Azərbaycan, Bakı, 26 may / " müxbir S.Ağayeva / Çexiyada Azərbaycan və Xəzəryanı ölkələr üzrə Araşdırmalar Mərkəzi yaradılıb. Mərkəz Masarik Universiteti nəzdində fəaliyyət göstərəcək. Bu barədə Trend a bazar ertəsi Azərbaycanın bu ölkədəki səfiri Tahir Tağızadə məlumat verib.
Azərbaycanın bu ölkədəki səfiri və Universitetin rektoru Petr Fiala bazar ertəsi Mərkəzin yaradılması barədə memorandum imzalayıblar. Yeni Mərkəzdə Azərbaycan coğrafiyası, tarixi və mədəniyyəti, regionda təhlükəsizlik məsələləri üzrə məlumat bazasının yaradılması planlaşdırılır. Onlayn-kitabxananın yaradılması da planlaşdırılır.
Otuz min tələbənin təhsil aldığı Masarik Universiteti humanitar sahədə dünyanın ən nüfuzlu təhsil ocaqlarından biri hesab olunur.
Məqalə müəllifi ilə əlaqə ünvanı: trend
