Azərbaycan, Bakı, 03 iyul / Trend , müxbir İ.Əlizadə / Azərbaycan ATƏT Parlament Assambleyasına (ATƏT PA) portuqaliyalı Joao Suaresin sədr seçilməsini müsbət qiymətləndirir. "Joao Suares Azərbaycana, o cümlədən Dağlıq Qarabağ münaqişəsinə obyektiv yanaşır", - deyə cümə axşamı Qazaxıstan paytaxtı Astanadan telefonla Trend -a Azərbaycanın ATƏT PA-dakı nümayəndə heyətinin sədr müavini Eldar İbrahimov bildirib.
Trend -un arayışı: ATƏT PA-nın Astanada keçirilən yay sessiyasında Suares quruma yeni sədr seçilib. Suares indiyə qədər ATƏT PA-nın vitse-prezidenti vəzifəsində işləyib.
İbrahimov qeyd edib ki, ATƏT PA-nın yeni sədri 2005-ci ildə Azərbaycanda keçirilən parlament seçkilərini müşahidə edib.
"Azərbaycan nümayəndə heyəti Suaresin namizədliyini dəstəklədi", - deyə nümayəndə heyətinin sədr müavini əlavə edib.
Məqalə müəllifi ilə əlaqə ünvanı: [email protected]