Azərbaycan, Bakı,23 iyul / Trend , müxbir K.Zərbalıyeva/ Azərbaycan Konstitusiya Məhkəməsi Cinayət Məcəlləsinin 83.2-ci maddəsinə şərh verib.
Cinayət Məcəlləsinin 83.2-ci maddəsində qeyd olunur ki, cəzadan azad edilmiş şəxs məhkumluğu olmayan hesab edilir.
Trend-News-un məlumatına görə, Gəncə Şəhər Kəpəz Rayon Məhkəməsi Konstitusiya Məhkəməsinə müraciət edərək həmin maddənin şərhini-bu kateqoriyaya daxil olan şəxslərin dairəsinin dəqiq müəyyənləşdirilməsini xahiş edib.
Məhkəmə sorğu ilə bağlı qərar qəbul edib.
Qərara görə, məhkəmənin ittiham hökmünə əsasən, yalnız iki halda - cinayət məsuliyyətinə cəlbetmə müddətləri keçdiyinə görə cəza təyin edilməyən və amnistiya aktına əsasən cəzadan azad edilən şəxslər bu kateqoriyaya aid edilir.
Müəlliflə əlaqə saxlamaq üçün elektron ünvan - [email protected]