Böyük Britaniya, London, 21 oktyabr / Trend , müxbir G. Əhmədova/
Bu gün Azərbaycanın Böyük Britaniya
və Şimali İrlandiya Birləşmiş
Krallığındakı səfiri F.Qurbanov Britaniya
Parlamentinin üzvləri Qreq Hends və Lord Freyzer ilə
ayrı-ayrılıqda görüş keçirib.
Bu barədə Azərbaycanın Böyük Britaniya
və Şimali İrlandiya Birləşmiş
Krallığındakı Səfirliyindən Trend -a
bildiriblər.
Hər iki görüşdə ölkələrimiz
arasındakı münasibətlərin mövcud durumu və
gələcək inkişaf perspektivləri ətrafında
fikir mübadiləsi aparılıb.
Səfir ölkəmizdə, eləcə də regionda
baş verən hadisələr haqqında məlumat vermiş
və regional təhlükəsizliyin təmin
olunmasının vacibliyini diqqətə
çatdırmışdır. Bu
çərçivədə Ermənistan-Azərbaycan
Dağlıq Qarabağ münaqişəsinin birdəfəlik
həllinin xüsusi əhəmiyyətə malik
olacağını və bunun bütövlükdə
bölgədə sabitliyin və rifahın bərqərar
olunmasına töhfə verəcəyini
vurğulayıb.
Bununla yanaşı, görüşlərdə səfir
ölkəmizdə keçirilən prezident
seçkilərinin gedişi haqqında bəhs etmiş və
seçkilərin tam demokratik və şəffaf
şəraitdə, beynəlxalq normalara uyğun həyata
keçirildiyini qeyd etmişdir. O, həmçinin
beynəlxalq müşahidəçilərin
seçkilərlə bağlı rəylərinin
müsbət olduğunu və seçkilərin beynəlxalq
ictimaiyyət tərəfindən yüksək qiymətləndirildiyini
əlavə edib.
Görüşlər zamanı parlamentlərarası
əlaqələr ətrafında da fikir mübadiləsi
aparılmış və hər iki ölkənin parlamentləri
arasında qarşılıqlı münasibətlərin
genişləndirilməsinin ümumi
münasibətlərə müsbət təsir edəcəyi
vurğulanıb.