Azərbaycan, Bakı, 12 mart / Trend , müxbir K.Zərbalıyeva /
Milli Təhlükəsizlik Nazirliyinin əməkdaşları ötən il Azərbaycana 15 ton nərə balığının qaçaqmalçılıq yolu ilə gətirilməsinin qarşısını alıb, - Trend -un məlumatına görə, bu barədə hökumətin ötən ilin yekunları ilə bağlı Milli Məclisə təqdim etdiyi hesabatda qeyd olunub.
Hesabatda qeyd olunub ki, ötən il MTN tərəfindən narkotik vasitələrin, psixotrop maddələrin və onların prekursorlarının qanunsuz dövriyyəsi ilə məşğul olan 16 mütəşəkkil və 6 transmilli mütəşəkkil cinayətkar dəstənin qarşısı alınıb.
Onlardan ümumilikdə 970 kiloqramdan artıq narkotik vasitə götürülüb.
Bu faktlarla bağlı başlanmış cinayət işi üzrə 82 Azərbaycan, 6 İran, 2 Rusiya və 1 nəfər Türkiyə vətəndaşı istintaqa cəlb olunub.
Beynəlxalq terrorçu təşkilatın 2 əcnəbi üzvü və onlara yardım edən 4 nəfər Azərbaycan vətəndaşından ibarət terrorçu qrup zərərsizləşdirilib. Beynəlxalq terrorçu qurumlarla əlaqələri sübuta yetirilmiş 17 nəfər Ağır Cinayətlərə Dair İşlər üzrə Məhkəmənin hökmü ilə müxtəlif müddətlərə azadlıqdan məhrum ediliblər.
Keyfiyyətsiz, istifadə müddəti keçmiş, tərkibi şübhə doğuran dərman preparatları satdığı üçün 1 nəfər barəsində cinayət işi başlanıb, 80 aptekin fəaliyyəti dayandırılıb.
Məqalə müəllifi ilə əlaqə ünvanı:[email protected]
