Azərbaycan, Bакı, 29 aprel / Trend , müxbir A.Hüseynbala /
Azərbaycanın müxalif partiyalarının təmsil olunduğu hərəkat "Qarabağ Forumu"nda iştirak etməyəcək.
"Hərəkatın iclasında Demokratiya Uğrunda İttifaqın təklifi ilə keçiriləcək forumda iştirak məsələsində konsensus əldə olunmayıb", - çərşənbə günü Trend -a "Qarabağ və Respublika Uğrunda Hərəkat"da təmsil olunan Ümid Partiyasının sədri, millət vəkili İqbal Ağazadə bildirib.
Trend -un arayışı: Demokratiya Uğrunda İttifaq (DUİ) ötən ay yeni Konstitusiya layihəsinin hazırlanması, sosial-iqtisadi böhranla bağlı komissiyaların yaradılması, bələdiyyə və parlament seçkilərində iştirakla bağlı müzakirələr aparılıb ümumi siyasi qərarın qəbul edilməsi məqsədilə ümummüxalifət konfransının keçirilməsi təşəbbüsü ilə çıxış edib. DUİ-nin daha bir təklifi Dağlıq Qarabağ münaqişəsinin nizamlanması ilə bağlı yaranan indiki situasiyanın müzakirəsi üçün "Qarabağ Forumu"nun keçirilməsi olub.
Ağazadənin sözlərinə görə, hərəkatda təmsil olunan partiyalar DUİ-nin müxalifətin ümumi forumunun keçirilməsi təklifini də dəstəkləməyiblər. "Düşünürük ki, indi belə tədbirin keçirilməsinə ehtiyac yoxdur", - partiya sədri əlavə edib.
"Qarabağ və Respublika Uğrunda Hərəkat"ı Azərbaycan Xalq Cəbhəsi, Vətəndaş və İnkişaf, Liberal, Demokrat, Müsavat və Ümid partiyaları, eləcə də bir neçə ictimai təşkilat təsis edib.
Dеmоkrаtiyа Uğrunda İttifаqı 2005-ci il parlamеnt seçkisindən sonra müxalifətçi Klassık Xalq Cəbhəsi, Azadlıq və Milli Demokratiya partiyaları yаrаdıb. 2008-ci il sеntyаbrın əvvəllərində Böyük Azərbаycаn, nоyаbr аyındа isə Хаlq pаrtiyаlаrı DUİ-yə üzv qəbul оlunub. İttifаq bu pаrtiyaların məşvərət və əməkdaşlıq qurumudur.
Məqalə müəllifi ilə əlaqə ünvanı:[email protected]
