Azərbaycan, Bakı, 20 oktyabr / Trend , müxbir S.Ağayeva/
Azərbaycanın xarici işlər naziri Elmar Məmmədyarov Dohada Azərbaycan və Qətər arasında siyasi və iqtisadi sahələrdə əməkdaşlıq perspektivlərini müzakirə edəcək.
Azərbaycan XİN rəhbərinin Qətərə səfəri noyabrın 23-24-nə planlaşdırılıb. Bu barədə Trend -a Qətərin Bakıdakı səfirliyindən bildirilib.
Qətər Əmiri Şeyx Həməd bin Xəlifə ali-Sani və Qətərin Baş naziri, xarici işlər naziri Həməd bin Casim Cəbr ali-Sani ilə danışıqlar zamanı Azərbaycanın xarici işlər naziri ikitərəfli əməkdaşlığın aktual məsələlərini müzakirə edəcək.
Eyni zamanda, Məmmədyarovun Qətərin maliyyə və iqtisadiyyat naziri Yusif Hüseyn Kamal, parlament sədri Məhəmməd bin Mübarək əl-Xüleyfi, Qətərin İnformasiya Cəmiyyətinin prezidenti Şeyx Həməd bin Samir ali-Sani ilə görüşləri planlaşdırılıb.
XIN rəhbəri səfəri zamanı əl-Cəzirə kanalına müsahibə verəcək.
Azərbaycan Dövlət Statistika Komitəsinin məlumatına əsasən, Azərbaycan və Qətər arasında 2009-cu ilin yanvar-iyul aylarında əmtəə dövriyyəsi 7,5 min dollar təşkil edib.
Məqalə müəllifi ilə əlaqə ünvanı: [email protected]
