Özbəkistan, Daşkənd, 22 dekabr / Trend , müxbir D.Əzizov/
Rusiyanın xarici işlər naziri Sergey Lavrov Mərkəzi Asiyanın su-enerji resursları məsələsini ekoloji balansı pozmadan ümumi qəbul olunan əsaslarda həll etməyə çağırıb.
"Bu məsələlərin həlli ümumi qəbul edilən əsaslarda həyata keçirilməlidir ki, zəif ekoloji balansın pozulması baş verməsin, - Lavrov Daşkənddəki Dünya İqtisadiyyatı və Diplomatiyası Universitetində çıxışı zamanı deyib.
Bununla yanaşı, Lavrov təəssüflə qeyd edib ki, Mərkəzi Asiyanın su resurslarının istifadəsi üzrə ümumi konsepsiyanın işlənib hazırlanması indiyənədək sona çatdırılmayıb.