Gürcüstan, Tbilisi, 31 mart / Trend , müxbir N.Kirsxalia/
Bu gün Gürcüstan dövlətçiliyinin bərpasının 19 ili tamam olur. 1991-ci il martın 31-də Ali Sovetin sədri Zviad Qamsaxurdianın rəhbərliyi ilə Gürcüstanın Milli Hökuməti dövlət müstəqilliyi məsələsi ilə bağlı referendum keçirib və referendum iştirakçılarına "Gürcüstan dövlətçiliyinin 1918-ci il 26 may tarixli Müstəqillik Aktı əsasında bərpasına razısınızmı?" sualını cavablandırmaq təklif olunub.
Referendumda Gürcüstan Respublikası seçicilərinin 89,3%-i iştirak edib. Onların 98,2%-i faizi dövlətçiliyin bərpasına tərəfdar olduqlarını bildirib.
Referendum əsasında həmin il aprelin 9-da Gürcüstan Ali Soveti 1918-ci il 26 may tarixli Müstəqillik Aktı əsasında Gürcüstanın dövlət müstəqilliyinin bərpasını elan edib.
1991-ci il 31 mart referendumunu "Milli Konqres" boykot edib və sonradan hərbi çevrilişdə fəal iştirak edib.
Bu, Abxaziya və Samaçablo da daxil olmaqla, Gürcüstan ərasizində keçirilən sonuncu referendum olub.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
