Azərbaycan Prezidenti İlham Əliyev cümə axşamı Hindistan Prezidenti xanım Pratibha Patilə ölkəsində baş vermiş güclü qasırğa nəticəsində çoxsaylı insan tələfatı ilə bağlı başsağlığı verib. Məlumatı AzərTAc Dövlət İnformasiya Agentliyi yayıb.
"Bu faciə ilə əlaqədar Sizə, həlak olanların ailələrinə və yaxın adamlarına, bütün Hindistan xalqına öz adımdan və Azərbaycan xalqı adından dərin hüznlə başsağlığı verir, yaralananların və xəsarət alanların tezliklə sağalmasını arzulayıram", - başsağlığı məktubunda deyilir.