Azərbaycan, Bakı, 20 aprel /Trend, müxbir S.Ağayev/
Azərbaycan Millli Məclisinin spikeri Oqtay Əsədov mayın əvvəlində İtaliyaya rəsmi səfər edəcək. Səfər mayın 4-də İtaliya Respublikası Deputatlar Palatasının sədri Janfranko Finninin dəvəti ilə baş tutacaq. Bu barədə Azərbaycanın İtaliyadakı səfiri Emil Kərimov bildirib.
Səfirin sözlərinə əsasən, səfər çərçivəsində Oqtay Əsədovun Janfranko Finni, Senatın vitse-spikeri Vaninno Kitti və ayrı-ayrı senatorlarla görüşü planlaşdırılır.
Danışıqların diqqət mərkəzində İtaliya tərəfi ilə parlamentlərarası münasibətlərin inkişafı, regional və beynəlxalq əməkdaşlıq məsələləri olacaq.
