Azərbaycan, Bakı, 8 iyun /Trend, müxbir Ü.Sadıxova/
Bu ilin ikinci yarısında Qahirədə iqtisadi, texniki və elmi əməkdaşlıq üzrə Azərbaycan-Misir hökumətlərarası komissiyasının iclası keçiriləcək. Bu barədə Trend-ə Azərbaycanın Qahirədəki səfiri Faiq Bağırov məlumat verib.
Səfir bildirib ki, dəqiq tarix hələ müəyyən edilməyib, komissiyanın iclası 2010-cu ilin payızına planlaşdırılıb.
Komissiyada Azərbaycan nümayəndə heyətinə iqtisadi inkişaf naziri Şahin Mustafayev, Misir tərəfinə isə beynəlxalq əməkdaşlıq üzrə nazir Faizə Əbül Naqa rəhbərlik edir.