Аzərbaycan, Bakı, 29 iyun /Trend, müxbir S.Süleymanov/
Qırğızıstanda millətlərarası münaqişələr bütün Mərkəzi Asiya regionu üçün təhlükə yaradır, - bu barədə Qazaxıstan Prezidenti Nursultan Nazarbəyov çərşənbə axşamı ATƏT-in tolerantlıq və qeyri-diskriminasiya üzrə Astanada keçirdiyi yüksəksəviyyəli konfransın açılışında çıxış edərkən bəyan edib.
"Onun sözlərinə görə, tolerantlıq və qeyri-diskriminasiya üzrə ATƏT Mərkəzinin yaradılması vaxtı gəlib çatıb.
"Mərkəzi Asiya - müxtəlif etnik qruplar və din sahibləri olan insanların yaşadıqları regiondur. Qırğızıstanda baş verən son hadisələr xalqlar arasında inamsızlıq toxumu səpə bilər. Bu hadisələr - hamımıza çağırışdır", - Qazaxıstan Prezidenti deyib.
