Аzərbaycan, Bakı, 2 iyul /Trend, müxbir М.Əliyev/
ABŞ-ın dövlət katibi Hillari Klinton Azərbaycana səfəri zamanı ABŞ Konqresinin Dağlıq Qarabağa ayırdığı maliyyə yardımı barədə məsələ qaldıracaq, - bu barədə cümə günü jurnalistlərə Azərbaycan Parlamentinin vitse-spikeri Bahar Muradova deyib.
"Dağlıq Qarabağa ayrılan maliyyə yardımı separatçı rejimin himayəsinə göndərilə bilər və bununla bağlı kifayət qədər fakt vardır", - Muradova deyib.
Onun sözlərinə görə, əgər sözügedən yardım əhalinin həyat tərzinin yaxşılaşdırılmasına sərf olunubsa, onda Azərbaycan vasitəsilə göndərilməli idi.
ABŞ dövlət katibinin Azərbaycana səfəri iyulun 4-nə nəzərdə tutulub.
"ABŞ Konqresi Nümayəndələr Palatasının Xarici Təxsisat Komitəsi 2011-ci il üçün büdcəni təsdiq edib; buna əsasən Ermənistana ayrılan maliyyə yardımının həcmi 44 milyon dollar təşkil edir", - cümə axşamı Amerikanın Ermənistan milli komitəsindən verilən məlumatda deyilir.
"Ayrılmış 4 milyon dollar vəsait ABŞ Prezidenti Barak Obama tərəfindən nəzərdə tutulmuş məbləği keçir, lakin eyni zamanda, ötən ildən 4 milyon dollar azdır", - məlumatda bildirilir.