Azərbaycan, Bakı, 8 sentyabr /Trend, müxbir M.Əliyev/
Azərbaycanın müxalif "Qarabağ", "İnsan naminə" və "Demokratiya" seçki blokları qeydə alınması üçün Mərkəzi Seçki Komissiyasına müraciət ediblər. Bu barədə MSK-nın çərşənbə günü keçirilən iclasında komissiyanın sədri Məzahir Pənahov məlumat verib.
Azərbaycanın müxalifət partiyalarını özündə birləşdirən 5-ci seçki bloku yaradılıb.
Pənahov həmçinin bildirib ki, sentyabrın 9-dan televiziyalarda parlament seçkisi ilə bağlı reklam çarxları yayımlanacaq.
Milli Məclisə seçkilər noyabrın 7-də keçiriləcək.
Bundan əvvəlki seçkilər 2005-ci ilin noyabrında keçirilib. Ölkənin qanunverici orqanına seçkilər 125 seçki dairəsində majoritar sistem üzrə aparılır.