Azərbaycan, Bakı, 25 fevral /Trend/
Azərbaycanın Gürcüstandakı səfiri Namiq Əliyev Marneuli rayonunda olub. Səfər zamanı səfir Azərbaycan təmayüllü məktəblərə latın şrifti ilə dərc edilən Azərbaycan dilində çoxlu sayda kitab hədiyyə edib. Trend-in məlumatına görə, bu barədə səfirliyin məlumatında deyilir.
Azərbaycanın klassik ədəbiyyatı, xalq nağılları, eposlar, dastanlar, romanlar, eləcə də xarici müəlliflərin əsərlərindən ibarət 300-ə yaxın kitab altı orta məktəbə, eləcə də Marneuli Azərbaycan Mədəniyyəti Mərkəzinə hədiyyə edilib.