İlham Əliyev ABŞ Prezidentinə başsağlığı verib

Azərbaycan Prezidenti İlham Əliyev Amerika Birləşmiş Ştatlarının Prezidenti Barak Obamaya başsağlığı məktubu ünvanlayıb, məlumatı cümə günü Prezidentin rəsmi saytı yayıb.

"Hörmətli cənab Prezident, ölkənizdə baş vermiş təbii fəlakət nəticəsində çoxsaylı insan tələfatı və dağıntılar barədə xəbər məni olduqca kədərləndirdi. Bu faciə ilə əlaqədar Sizə, həlak olanların ailələrinə və yaxın adamlarına dərin hüznlə başsağlığı verir, yaralananların və xəsarət alanların tezliklə sağalmasını arzulayıram" İlham Əliyev məktubda bildirib.