Gürcüstan, Tbilisi, 14 iyun /Trend, müxbir N.Kirsxaliya/
Çərşənbə axşamı Gürcüstan Prezidenti Azərbaycanın xarici işlər nazirini qəbul edib. Görüş təkbətək keçirilib.
Mixail Saakaşvili və Elmar Məmmədyarov iki ölkə arasında mövcud olan siyasi, iqtisadi və mədəni münasibətlərin geniş spektrini müzakirə ediblər. Bu barədə Trend-ə Gürcüstan Prezidenti Administrasiyasından məlumat verilib.
"Görüşün başlıca mövzularından biri Gürcüstan və Azərbaycanın birgə həyata keçirdikləri iqtisadi və regional layihələrin müzakirəsi olub", - administrasiyadan bildiriblər.
Azərbaycanın xarici işlər naziri Gürcüstanda ikigünlük səfərdədir və Baş nazir, parlament sədri və XİN rəhbəri ilə görüşüb.